На 14 февруари, во кафе-галеријата „Лувр“ во Прилеп, по седми пат ќе се одржи поетскиот перформанс „Љубење со стихови“. Настанот, организиран од Здружението ЗОКУМ, започнува во 20:00 часот.
Поетите Филип Димкоски и Лина Димоска ќе имаат прилика да ја презентираат својата поезија, фокусирана на љубовните теми. Овој пат, програмата ќе вклучува и стихови од познати француски поети на љубовта, како што се Жак Превер, Гијом Аполинер, де Беранже, Бодлер, Пол Елијар, Стефан Маларме и Артур Рембо.
Специјален гостин на настанот ќе биде Љупка Томиќ, авторка и професорка по француски јазик, која ќе ја збогати програмата со читање на поезија на француски.
"Кога размислуваме за љубов, вино, светлина, мода и задоволство, помислуваме на Франција. Иако Македонија не го има Париз, Прилеп располага со кафе-галеријата „Лувр“, каде што в сабота ќе ги отвориме нашите души, ќе мечтаеме и ќе уживаме во поетската реч", велат организаторите.
Влезот за настанот е слободен, но местата се ограничени.
