Американските власти уапсија роднини на иранскиот генерал Касем Сулејмани, кој беше убиен во 2020 година во напад со дрон нареден од Доналд Трамп.
Меѓу уапсените е и неговата внука, Хамиде Сулејмани Афшар, која е обвинета за отворена поддршка на Исламската Република.
Државниот департмент на САД објави дека внуката и правнуката на генерал Сулејмани биле уапсени од федерални агенти поради укинување на нивниот статус на постојан престој од страна на државниот секретар Марко Рубио.
„Додека живееше во САД, таа ја пренесуваше пропагандата на иранскиот режим, ги славеше нападите врз американските војници и воени објекти на Блискиот Исток, го фалеше новиот врховен водач на Иран, ја осудуваше Америка како 'Голем Сатан' и изразуваше непоколеблива поддршка за Револуционерната гарда на Иран, група означена како терористичка.“ — Изјави портпаролот на Државниот департмент.
Државниот департмент исто така соопшти дека Марко Рубио го укинал „правниот статус“ на Фатеме Ардешир-Лариджани, ќерка на Али Лариджани, шеф на Врховниот совет за национална безбедност на Иран, кој почина средината на март во напад за кој одговорноста ја презеде Израел.
Фатеме Ардешир-Лариджани и нејзиниот сопруг веќе не се присутни во САД и им е забранет влез во иднина на американско тло.
„Администрацијата на Трамп нема да дозволи нашата земја да биде дом за странски државјани кои поддржуваат терористички антиамерикански режими.“ — Марко Рубио